ឱ! លោកមន្ត្រី លោកពាក់សក្ដិបី រូបរាងសង្ហា
អង្គុយម្នាក់ឯង សញ្ជប់ភក្រ្តា លោកអន់ចិន្ដា
នឹងអ្នកណាដែរ?
សក់ខ្មៅភ្លីដេក ច្រមុះល្អឯក គួរគួចចិត្តស្នេហ៍
ធ្មេញសស្មើសម បបូរមាត់ដែរ ភ័ក្ត្រមូលដូចខែ
មន្តភ្នែកឱ្យព្រួច។
លោកនគរបាល មន្ត្រីសង្ហា កុំធ្វើមុខស្ងូត
ញញឹមបន្ដិច ឱ្យសមថ្ពាល់ខួច ស្តាយច្រមុះស្រួច
កុំយកដៃខ្ទប់។
ឱ! លោកសក្ដិបី មិនដឹងកើតអី ធ្វើមុខកញ្ជប់
នាំខ្ញុំឱ្យឆ្ងល់ ចិត្តមិនស្រណុក ចង់សួរសុខទុក្ខ
លោអាចសារសង។
មន្ត្រីថ្ពាល់ខួច ឃើញហើយចិត្តគួច លួចស្នេហ៍ប៉ុនប៉ង
មន្ត្រីនគរបាល សង្ហាកន្លង ចែកស្នេហ៍ឱ្យផង
ណា៎លោកសក្ដិបី។
#កំណាព្យអ្នកនិពន្ធរតនា
១៩ កញ្ញា ២០១៩