ជាគ្រូបង្រៀន ឱ្យស្ម័គ្រទាហាន ក្រែងមិនសមចា៎
ដ្បិតតាំងពីតូច ម៉ាក់តែងប្រាប់ថា ទាហាននេះណា
គ្មានទេស្នេហ៍ស្មោះ។
ជាគ្រូបង្រៀន លទ្ធភាពខ្ញុំគ្មាន ធ្វើកាចបានសោះ
មិនដឹងធ្វើម្តេច ឱ្យគេខ្លាចនោះ បើគេហ៊ានលុះ
ទាញចិត្តប្តីរេ។
ជាគ្រូបង្រៀន ប្តីធ្វើទាហាន មិនចង់បានទេ
អ្នកអើយកុំប៉ង យកខ្ញុំមាសមេ ខ្លាចតែមានពេល
ទឹកភ្នែករហាម។
ឱ!លោកទាហាន ស្ម័គ្រគ្រូបង្រៀន មិនព្រមឈប់តាម
បើលោកនៅខំ ជំនះបម្រាម មិនស្តាប់ខ្ញុំហាម
ស្មោះបានប៉ុនណា?
ឱ!បងទាហាន ស្នេហ៍គ្រូបង្រៀន ត្រូវហ៊ានសន្យា
កុំធ្វើទាហាន ដូចពាក្យម៉ាក់ថា ត្រូវស្មោះស្នេហា
ទើបខ្ញុំព្រមស្ម័គ្រ។
#កំណាព្យអ្នកនិពន្ធរតនា
១៩ កញ្ញា ២០១៩