ទៅរៀនអង់គ្លេស កំពុងសរសេរ គេសុំខ្ចីប៊ិក
មិនទាន់បានសួរ គេប្រាប់ថាភ្លេច ឱ្យខ្ចីយ៉ាងម៉េច
ប៊ិកមានតែមួយ។
ក្រឡេកឆ្លើយវឹង នេត្រាសម្លឹង ប្រសព្វរញ្ជួយ
សង្ហាដល់ហើយ ឃើញភ្លាមខ្ញុំព្រួយ សុំពឹងគ្រូជួយ
រកប៊ិកឱ្យគេ។
ទៅរៀនរាល់ថ្ងៃ មិនដែលស្រមៃ ថាជួបCrushទេ
ឥឡូវឃើញហើយ ជាប់ចិត្តមាសមេ ចង់ជួបគ្រប់ពេល
ដល់Crushពេកទៅ។
រាល់ល្ងាចម៉ោងបួន ខ្ញុំរៀបចំខ្លួន រូតរះតម្រូវ
តម្រង់សាលា កុំឱ្យស្ទះផ្លូវ នាំគ្រូក្រម៉ូវ
បន្ទោសមុខCrush.។
ទៅរៀនរាល់ល្ងាច មិនដែលវេរវៀច នឹកថ្នាក់រៀនណាស់
រាល់ម៉ោងសន្ទនា សង្ឃឹមជាក់ច្បាស់ គ្រូនឹងឱ្យប៉ះ
គេជាដៃគូ។
មួយថ្នាក់មានពីរ ដែលរៀនសំភី ជាសិស្សគំរូ
ឈរមុខក្តាខៀន ជជែកតស៊ូ បំពេញចិត្តគ្រូ
ភាសាអង់គ្លេស។
ថ្ងៃនេះហេងចំ គ្រូចាប់បង្ខំ ឱ្យខ្ញុំសួរគេ
សន្ទនាឆ្លងឆ្លើយ មិនបាច់គិតទេ សួរជាអង់គ្លេស
សួរអីក៏បាន។
សួរHow are You គេធ្វើមុខជូរ ឆ្លើយថាI’m Fine
What do you like? គេខំសើចស្ញាញ I Like sunshine
And love a girl.។
ខ្ញុំទាក់បន្តិច គេវាយភ្នែកព្រិច ហើយសួរឡើងពើរ
Watch Movieទេ ថ្ងៃស្អែកទៅមើល កុំធ្វើមុខស្លឺ
ទិញសំបុត្រហើយ។
មិត្តភ័ក្កសើចកិល តែខ្ញុំនៅព្រិល ស្មារតីនៅឡើយ
ម៉ោងរៀនសន្ទនា គេសួរឆ្លងឆ្លើយ សុំណាត់វិញអើយ!
ខ្មាស់គ្រូអស្ចារ្យ។
ដៃលូកហោប៉ៅ ដកសំបុត្រហៅ ហើយសួរថែមថា
អេ៎Shall We date? ជួបគ្នាស្អែកណា៎ មិត្តមើលត្រៀបត្រា
ខ្ញុំឆ្លើយមិនចេញ។
គេមើលមុខខ្ញុំ ហើយចាប់ដៃសុំ ស្រលាញ់ពេញលេញ
Crushគ្នាយូរហើយ ល្មមឈប់ទោម្នេញ ស្រលាញ់គ្នាវិញ
សង្សារពេញសិទ្ធ។
ទៅរៀនអង់គ្លេស ហើយលួចCrushគេ ទាំងមិនដែលគិត
អង្គុយជិតគ្នា សន្ទនារាប់ភ្លេច មិនដែលដឹងចិត្ត
គេCrushខ្ញុំដែរ។
សន្ទនាថ្ងៃនេះ ពិសេសអ្វីម្ល៉េះ Crushខ្ញុំសុំស្នេហ៍
ខ្មាស់គេបន្តិច តែខ្ចិលបង្វែរ ខំCrushរាប់ខែ
ប្រកែកធ្វើអី?
