ភាពអំនួតរបស់មនុស្សតែងតែធ្វើឲ្យគាត់ភ្លេចខ្លួន
ចេះតែគិតថាគាត់គ្រាន់បើព្រោះតែគាត់គ្រាន់។
តែការពិតវាមិនដូច្នោះទេ!
បើសិនអ្នកជាថៅកែ អ្នកគ្រាន់បើព្រោះតែមានបុគ្គលិកក្រោមបង្គាប់។
បើគ្មានអ្នកព្រមធ្វើបុគ្គលិកឲ្យអ្នក អ្នកនឹងធ្វើការជាបុគ្គលិកដោយខ្លួនឯង
អ្នកនឹងគ្មានពេលដើរក្រពាត់ដៃចង្អុលបញ្ជានោះទេ។
បើអ្នកជាអ្នកល្បី អ្នកក៏គ្រាន់បើព្រោះតែមានអ្នកគាំទ្រ។
បើគ្មានអ្នកគាំទ្រនូវភាពប៉ិនប្រសប់អ្វីមួយរបស់អ្នក អ្នកនឹងមិនអាចល្បីបាននោះដែរ។
បើអ្នកបានជោគជ័យ អ្នកគ្រាន់បើព្រោះតែមានគ្រួសារនៅពីក្រោយ។
បើគ្មានគ្រួសារនៅពីក្រោយ អ្នកនឹងមិនមានសមត្ថភាព
និងកម្លាំងចិត្តជម្នះឧបសគ្គដល់បានជោគជ័យដែរ។
ត្រូវចាំថាបើអ្នកបានឡើងខ្ពស់ក៏ព្រោះតែមានមនុស្សព្រមនៅខាងក្រោមដើម្បីជំរុញអ្នកដែរ។
ដូច្នេះបើទោះជាអ្នកគ្រាន់បើប៉ុនណា បើគ្មានមនុស្សនៅខាងក្រោម
អ្នកនឹងធ្លាក់ចុះមកវិញមិនខាន។
ដូច្នេះមិនគួរអំនួត ក្អេងក្អាង វាយឫក
ដាក់មនុស្សដែលតាមជំរុញអ្នកឡើយ។
