ការផ្តល់អារម្មណ៍ល្អដល់នរណាម្នាក់គឺជាអំណោយដ៏ប្រពៃ
ចង់ផ្តល់អារម្មណ៍ល្អដល់អ្នកដទៃជារឿងដែលមិនលំបាកទេ
មនុស្សដែលកំពុងស្រេកទឹក គាត់នឹងសប្បាយចិត្តខ្លាំងពេលទទួលបានទឹកមួយកែវពីអ្នក
មនុស្សដែលកំពុងអផ្សុក គាត់នឹងរីករាយបើមានអ្នកកំដរ
អំណោយងាយៗដែលសម្តែងបញ្ជាក់ពីការយល់ចិត្ត ការយកចិត្តទុកដាក់ វាជាអំណោយផ្អែមល្ហែមណាស់។
ការផ្តល់អារម្មណ៍ល្អៗមិនចាំបាច់ត្រូវតែចំណាយលុយកាក់នោះទេ
ហើយការផ្តល់អារម្មណ៍ល្អៗនេះ ទោះពេលវេលាអាចធ្វើឲ្យគេភ្លេចអ្នក តែគេនឹងមិនភ្លេចទិដ្ឋភាពដែលអ្នកបានឲ្យនោះទេ។
អំពើល្អរបស់អ្នកនឹងត្រូវបានគេរំឭកដល់នៅពេលវេលាណាមួយ។
អំពើល្អរបស់អ្នកនឹងក្លាយជាការចងចាំ ជាអនុស្សាវរីយ៍ល្អរបស់គេ។ មិនខាតអីទេ បើគ្រាន់តែធ្វើរឿងល្អបន្តិចបន្តួចដើម្បីឲ្យផែនដីនេះកាន់តែស្រស់ស្អាត ព្រោះស្នាមញញឹមរបស់មនុស្សស្អាតដូចជាផ្កា បើអ្នកមិនបានឃើញផ្ការីក គ្រាន់តែបានឃើញស្នាមញញឹមមនុស្សដែលអ្នកបានជួប ផែនដីរបស់អ្នកនឹងបានស្រស់ស្អាតដូចគ្នា។