សួនភ្លើងពណ៌

ឱសួនភ្លើងពណ៌
ពេលខ្ញុំបានស្គាល់
ចិត្តសែនសប្បាយ
ភ្លើងពណ៌ច្រើនណាស់
លឿងក្រហមស្វាយ
ឃើញហើយខ្ញុំស្រាយ
អស់ទុកសៅហ្មង។

ក្នុងសួនមានល្បែង
ខ្ញុំលេងប្រលែង
រីករាយកន្លង
ខ្ញុំគប់ប៉ោងៗ
ផ្ទុះបែកត្រសង
ខ្ញុំអរកន្លង
ឈ្នះរង្វាន់កាន់។

សួនពណ៌ចម្រុះ
ខ្ញុំឃើញស្រីប្រុស
ល្អូកល្អើនក្នក់ក្នាញ់
ដឹងច្បាស់ព្រោះគេ
ជាគូកំណាញ់
ព្រោះគេស្រលាញ់
ទើបគេស្និទ្ធស្នាល។

កណ្តាលសួនភ្លើង
ខ្ញុំដើរស៉ើងម៉ើង
ម្នាក់ឯងឯកា
តើសួនពណ៌នេះ
សម្រាប់អ្នកណា
បើគ្មានសង្សារ
គេមកបានទេ? 😂