នៅពេលដែលគេគ្រប់គ្នាកំពុងជួបជុំសើចសប្បាយ ខ្ញុំនៅទីនេះម្នាក់ឯងកំពុងឯកាយ៉ាងខ្លាំង។
មនុស្សដែលស្រលាញ់ខ្ញុំ មនុស្សដែលខ្ញុំស្រលាញ់មិនអាចនៅទីតែមួយជាមួយខ្ញុំ។ ពួកយើងហត់នឿយដើម្បីជីវភាព ពួកយើងឯកាមួយឆ្នាំហើយ មួយឆ្នាំទៀត ពួកយើងមិនបានជួបជុំមិនបានសើចដូចគ្រួសារដទៃ។
ផែនដីតែមួយ តែមនុស្សរស់នៅក្នុងជីវភាពខុសៗគ្នា មិនអាចបន្ទោសនរណាបានទេ។ ជីវិតនិមួយៗកើតមកជាមួយពាក្យតស៊ូ តិចឬច្រើនក៏ព្រោះសំណាង។
សំណាងនេះជាពាក្យត្រូវជឿ តែមិនត្រូវផ្តេកផ្តួលឡើយ ដូច្នេះហើយទើបតម្រូវឱ្យមនុស្សត្រូវធ្វើការតស៊ូឱ្យបានច្រើន។
មិនតូចចិត្តទេដែលមិនទាន់បានសម្រាកដូចគេ ឆ្នាំនេះហួសហើយ ចាំឆ្នាំក្រោយទៀតក៏បានដែរ ឱ្យតែពួកយើងមានឆន្ទៈ ថ្ងៃមួយពួកយើងនឹងបានជួបជុំដូចគេមិនខាន។
ឆ្នាំនេះឯកាមួយឆ្នាំទៀតចុះ ឆ្នាំក្រោយសន្យាមិនឯកាទៀតឡើយ ពេលមានជីវភាពប្រសើហើយពួកយើងនឹងជុំគ្នាវិញ។
អានអត្ថបទនេះហើយកុំបានតែធូរចិត្តណា៎! ប្រឹងប្រែងទៅដល់គោលដៅឱ្យបានឆាប់ៗ កុំសន្យាមួយឆ្នាំហើយមួយឆ្នាំទៀតណា៎
ជូនពរអ្នកកំពុងនៅឆ្ងាយពីគ្រួសាររីករាយចូលឆ្នាំខ្មែរតាមរយៈការទំនាក់ទំនងតាមបច្ចេកវិទ្យាទាន់សម័យ។ ដោយក្តីស្រលាញ់