ថ្ងៃស្អែកអាចនឹងមិនដូចការទោះទាយ

នៅពេលដែលបេះដូងនេះកំពុងត្រូវការគេយ៉ាងខ្លាំង

អារម្មណ៍នឹងមិនរីករាយ ស្មារតីនឹងមិនអង់អាចទៅធ្វើអ្វីផ្សេងបាននោះទេក្រៅពីទៅឆ្លងឆ្លើយ ឬទៅជួបមុខគេនោះឡើយ។

នៅពេលដែលបេះដូងត្រូវការ គ្មាននរណាពិសេសជាងម្នាក់នោះទៀតទេ។ ស្រលាញ់មនុស្សម្នាក់ត្រូវធ្វើតាមបេះដូងមែនទេ?

មែន!

តែ! រស់នៅជាមួយមនុស្សម្នាក់ក៏ត្រូវសួរនាំខួរក្បាលដែរ ព្រោះជីវិតទៅមុខមនុស្សពីរនាក់រស់នៅជាមួយគ្នាមិនមែនដើម្បីតែការកៀកកិតឱបថើបនោះទេ

ក្រៅពីភាពស្និទ្ធស្នាល ក៏ត្រូវការការសាងជីវភាពល្អមួយ។

តម្រូវការនៃជីវភាពនិងមួយៗ និងតម្រូវការឱ្យមនុស្សប្រើរបៀបរសនៅខុសៗពីគ្នា និងដោយហេតុចរិតនិស្ស័យពីធម្មជាតិផងដែរ។

ព្រោះតែចរិតនិស្ស័យទាំងនេះហើយដែលតម្រូវឱ្យមនុស្សពីរនាក់រស់នៅជាមួយគ្នា ប្រើទាំងបេះដូងផង និងខួលក្បាលផង។

មនុស្សពីរនាក់ស្រលាញ់គ្នា គប្បីថ្លឹងក្តីស្រលាញ់ និងភាពចុះសម្រុងឱ្យស្មើនិងស្ថេរភាពសិន។

ដ្បិតណាស់ថ្ងៃស្អែកអាចនឹងមិនដូចការទោះទាយ និយាយគ្នាសិន មុនចាប់ផ្តើមស្រលាញ់គ្នា

ថ្ងៃនេះនឹកគេប៉ុនណា ចង់ជួបគេប៉ុនណា ចូរហាមចិត្តសិន! ថ្លឹងភាពចុះសម្រុងឱ្យស្មើសិនចាំទៅរកគេណា៎!