កុំបង្កើតឱកាសឲ្យបេះដូងម្នាក់ណាឈឺចាប់អី

មនុស្សមិនមែនជាតុក្កតា

មិនស្រលាញ់កុំចង់បាន!!

ព្រោះតែគាត់មានចំនុចជាច្រើនដែលអ្នកចង់បាន គាត់ជាមនុស្សដែលអ្នកប្រាថ្នា។

បានជួបមនុស្សក្នុងសុបិន អ្នកណាមិន crush? Crush ហើយត្រូវយកឲ្យបានមែនទេ?

រូបរាង មុខមាត់ សមត្ថភាព និងជំនាញផ្សេងៗ កាន់តែរៀបរាប់ពីមនុស្សម្នាក់នោះ អ្នកកាន់តែពេញចិត្ត។

ដេកដើរ ឈរអង្គុយ ធ្វើយ៉ាងណាឲ្យបានម្នាក់នោះជាកម្មសិទ្ធិ?

ព្រោះតែអ្នកពូកែ ព្រោះតែអ្នកមានសមត្ថភាព ម្នាក់នោះទៅណាមិនឆ្ងាយពីកណ្ដាប់ដៃរបស់អ្នកឡើយ។

អ្នកអាចក្លាយជាម្ចាស់បេះដូងរបស់គាត់ហើយ..

អ្នកយកគាត់បានហើយ..

ហើយអ្នកក៏រកមិនឃើញក្តីស្រលាញ់ដើម្បីដើរលើផ្លូវជាមួយគាត់..

អ្នកទើបតែយល់ថាស្នេហាមិនមែនជាការចង់បាន មិនមែនជាមុំត្រូវគ្នា តែជាអារម្មណ៍ស្រលាញ់ ការលះបង់ទៅវិញទេ។

ពេលនេះអ្នកចង់ដោះដៃតើមែនទេ? តើធ្វើយ៉ាងណាបើបេះដូងគេកំពុងស្រលាញ់អ្នកខ្លាំង?

ឆាប់ប្រាប់ការពិត វានឹងមិនឈឺចិត្តជាងពេលនេះតើមែនទេ?

វាចេះតែបានហើយព្រោះអារម្មណ៍ឈឺមិនមែនជារបស់អ្នក!

ចុះបើអារម្មណ៍ឈឺកើតលើអ្នកវិញ?

សុខៗមនុស្សដែលអ្នកស្ញប់ស្ងែង ប្រាប់ថាអ្នកមិនមែនជាមនុស្សក្នុងសុបិនគេទេ មិនមែនមនុស្សដែលបេះដូងគេត្រូវការទេ គេសុំឲ្យអ្នកបញ្ចប់ទំនាក់ទំនងមួយនេះ។

ពេលនោះមកដល់ បើទោះជាអ្នកមិនព្រមចប់ ក៏អ្នកមិនអាចចងបេះដូងគេបានដែរ។

ចុងក្រោយនៅតែបែកគ្នា ចុងក្រោយនៅតែមានមនុស្សឈឺចាប់។

នរណាឈឺចាប់ក៏សំខាន់ដែរ កាន់តែសោកស្តាយដែលខំសាងទំនាក់ទំនងដោយគ្មានមនោសញ្ចេតនា។

ឈប់ណា៎! ឈប់បង្តើតចិត្ត crush ដោយអារម្មណ៍រវើរវាយ

ឈប់ចង់បានទាំងគ្មានការស្រលាញ់! កុំបង្កើតឱកាសឲ្យបេះដូងម្នាក់ណាឈឺចាប់អី។

អារម្មណ៍ដែលឈឺព្រោះស្នេហា គ្មាននរណាចង់យល់ឡើយ

វាឈឺណាស់! មិនស្រលាញ់កុំចង់បាន!