សាររំខាន

សារលោតក្រឡែតលើអេក្រង់ នេត្រាខំផ្ជង់អានសំណេរ
អក្សរមួយជួរផ្ញើពីគេ រៀបរាប់សរសេរថានឹកណាស់។

កំពុងធ្វើអីញ៉ាំបាយនៅ? សួរច្រើនពេកទៅចង់ឆ្ងល់ខ្លះ
ចង់ស្តីតែខ្លាចគេថាឆ្នាស់ តែធុញសួរផ្តាស់ឥតដឹងពេល។

រាល់ថ្ងៃដូចមិនចេះធ្វើអី តាមរំខានស្រីឥតទំនេរ
មួយថ្ងៃបីពេលផ្ញើតែសារ ចង់តែស្តីថាបណ្តេញទៅ។

សារលោតក្រឡែតលើអេក្រង់ ចិត្តមិនដែលចង់តបទេពៅ
ធុញពេកចង់Blockចោលឥឡូវ តែបើធ្វើទៅក្រែងមិនសម។

#កំណាព្យអ្នកនិពន្ធរតនា
១៦ កញ្ញា ២០១៩