ទៅវត្តធ្វើបុណ្យខំបន់ផ្សង បើមានគូគ្រងគូជីវិត
សូមឱ្យបានជួបតែស្នេហ៍ពិត អាចនៅរួមស្និទ្ធដល់ចាស់កាល។
ទៅវត្តធ្វើបុណ្យរាប់បាយបាត លាងចិត្តឱ្យស្អាតហើយប្រាថ្នា
ជាតិនេះបើមានគេស្នេហា ឱ្យបានដូចប៉ាស្នេហ៍ម៉ាក់ផង។
រាល់ថ្ងៃធ្វើបុណ្យសាងកុសល សង្ឃឹមបានផលស្រស់បំព្រង
រស់ក្នុងគ្រួសារមិនដែលល្អង បើមានស្នេហ៍ស្នងសូមកុំស្មុគ។
រាល់ថ្ងៃជីវៈភាពសែនសុខា ប្រសិនស្នេហាមកនាំទុក្ខ
កុំឡើយឱ្យខ្ញុំបានជួបមុខ សុំត្រឹមតែសុខបែបម្នាក់ឯង។
#កំណាព្យអ្នកនិពន្ធរតនា កំពុងហៅហ្វេនដុតហើយ 😅
#រូបថតម៉ាក់ប៉ា បិណ្ឌ១វត្តស្វាយមាស
១៤កញ្ញា២០១៩