នាងអើយជាស្រីកុំរំលង ទំនេររៀនក្រងភួងបុប្ផា
បើចេះមិនដែលខាតទៅណា ក្រងថ្វាយទេវតាបានមគ្គផល។
កម្រងម្លិះលាស្អាតពេកពិត ពត់អំណត់ចិត្តទើបរៀនយល់
ទម្រាំក្រងស្អាតណានិមល អាចមុតច្រើនម្ជុលនៅម្រាមដៃ។
ពិបាកបន្តិចតែធ្វើបាន រៀនទៅកល្យាណវិជ្ជាស្រី
ទោះកិច្ចដទៃនាងពូកែ មិនគួរមានស្នេហ៍គេចតម្រា។
ភួងមាល័យផ្កាស្រីចាក់ក្រង ស្អាតណាស់នួនល្អងគួរប្រាថ្នា
ម្លិះលាក្រអូបពេញចិន្តា រំយោលដោយផ្កាពណ៌ស្វាយស្រាល។
ស្នាដៃក្រងផ្កានិងថតដោយប្អូនស្រីដួងខែ
#កំណាព្យអ្នកនិពន្ធរតនា
១៧ កញ្ញា ២០១៩