អត់គេង អត់បាយ អត់ទឹក អត់ជួបនរណា អត់ញញឹម អត់ចង់សង្ឃឹមអ្វីទៀត…. ខ្ញុំធ្វើទារុណកម្មខ្លួនឯងដើម្បីបូជាជូនស្នេហា
ខ្ញុំខំណាស់ដើម្បីរក្សាស្នេហានេះកន្លងមក ដើម្បីស្នេហា ខ្ញុំព្រមធ្វើល្ងង់ ខ្ញុំព្រមលះបង់មនសិការខ្លួនឯង។
ដើម្បីស្នេហាខ្ញុំសុខចិត្តលះបង់ខ្លួនឯងប៉ុន្មានដងហើយ?
ចុះប៉ុន្មានដងហើយដែលគេធ្លាប់ធ្វើដើម្បីស្នេហាមួយនេះ?
ដើម្បីស្នេហា ខ្ញុំព្រមលើកលែងកំហុសគ្រប់យ៉ាងរបស់គេ។
បើស្នេហារបស់ខ្ញុំមានការលះបង់តែម្ខាង តើការស្រលាញ់មួយនេះគួរតែឱ្យគេទៀតឬទេ?
បើភាពមហិមារបស់ខ្ញុំមិនបានទទួលការឱ្យតម្លៃមកវិញបែបនេះ តើគួរតែលះបង់ទៀតទេ?
ភាពមិនស្មោះត្រង់ អាត្មានិយម មិនឱ្យតម្លៃលើស្នេហា ទំនាក់ទំនងសោះកក្រោះបែបនេះ សមទេដែលទទួលបានបេះដូងរបស់ខ្ញុំ?
បើខ្ញុំគិតថាការលះបង់របស់ខ្ញុំពិតជាមានតម្លៃមែន
បើស្នេហារបស់ខ្ញុំពិតជាមានតម្លៃមែន…
តើវាគួរទេ ដែលត្រូវផ្តល់ទៅឱ្យមនុស្សដែលមិនសក្តិសមនឹងទទួល?
គិតច្បាស់ហើយ ចុងក្រោយត្រូវសុំទោសខ្លួនឯង។
ដកយកបេះដូងដ៏ថ្លៃថ្លាមកវិញ រក្សារទុកឱ្យបានល្អ
ទុកឱ្យមនុស្សដែលមានតម្លៃគ្រប់គ្រាន់នឹងទទួលយកបេះដូងមួយនេះ។