ស្រណោះស្រណោច
ចិត្តអើយស្ទើរខ្លោច
អាណិតខ្លួនឯង
លួចស្រលាញ់គេ
រាល់ថ្ងៃចំបែង
គិតគេបែកផ្សែង
គេធ្វើមិនដឹង។
អាសូរខ្លួនណាស់
ដូចមានកម្មក្រាស់
ព្រោះរឿងស្នេហ៍ហ្នឹង
ស្នេហ៍គេតែឯង
ពិបាកអ៊ីចឹង
តែកំសាករឹង
មិនហ៊ានប្រាប់ថ្លៃ។
តឹងចិត្តម្តងៗ
ចង់តែសាកល្បង
ប្រាប់ទៅចរណៃ
តែខ្លាចប្រាប់ទៅ
ប្រែជាដល់ថ្ងៃ
គេអាចលែងដៃ
សុំបីត្រឹមមិត្ត។
លួចស្នេហ៍លួចទុក្ខ
ចិត្តលែងស្រណុក
រាល់ថ្ងៃនឹកគិត
រិះរកវិធី
បានប្រាប់ការពិត
ពីចិត្តដាមដិត
លង់លិចព្រោះស្នេហ៍។
Crushអើយសូមដឹង
Shareរាល់ថ្ងៃហ្នឹង
មិនមែនចោលដែល
ខ្ញុំShareឱ្យដឹង
ពីចិត្តចង់ថែ
អានហើយគួរតែ
Commentតបផង។
#សារភាពស្នេហ៍តាមshare
#កំណាព្យអ្នកនិពន្ធរតនា
០១ កុម្ភៈ ២០២០