ទំនុកចិត្តគឺជាតម្លៃរបស់មនុស្ស
ដឹងទេបើមាននរណាម្នាក់អាចនិយាយរឿងជាច្រើនប្រាប់ទៅអ្នក
ព្រោះតែគាត់ទុកចិត្តអ្នកខ្លាំង ព្រោះតែគាត់ឱ្យតម្លៃអ្នកខ្ពស់។
បើថ្ងៃមួយអ្នកចែករំលែករឿងនោះទៅមនុស្សទីបី ទោះគាត់មិនដឹង តម្លៃរបស់អ្នកក៏នឹងទាបចុះ។
រឿងខ្លះមិនមែនជារឿងអាថ៌កំបាំងអ្វីឡើយ
តែវាក៏មិនមែនជាការងារអ្វីដែលអ្នកត្រូវយកទៅចែកចាយ។ រឿងផ្ទាល់ខ្លួនរបស់អ្នកដទៃ
រឿងក្នុងចិត្តរបស់គេ តើវាសមអីឱ្យអ្នកយកទៅដើរនិយាយពីមាត់មួយទៅមាត់មួយ តៗគ្នា?
កិរិយាល្អ គឺជាកិរិយាដែលមិនបរិហាអ្នកណាឡើយ
កិរិយាល្អ គឺជាកិរិយាដែលមិនក្បត់មនុស្សដែលគេខំជឿ
កិរិយាល្អ នឹងផ្តល់សេចក្តីថ្លៃថ្នូរដល់អ្នក
កិរិយាល្អ នឹងនាំឱ្យអ្នកជួបតែមនុស្សល្អដូចគ្នា។
ជឿទៅ! មិនមែនរឿងយើង កុំនិយាយអី!
គេមិនពឹងឱ្យប្រកាសយើងខំធ្វើអី? បើគេពឹងមែន
តើយើងមានមាត់ជាមេក្រូឬ?
ជឿទៅណា៎! និយាយដើមគេ វាមិនថ្លៃថ្នូទេ!
